Монгол Улсын Засгийн газрыг шинээр байгуулж, тэргүүн Л.Оюун-Эрдэнэ өөрийн багаа бүрдүүлсэн билээ. Тэдний дунд тоон дотор үсэг цохиж явна гэдэг шиг ганц нэг сайдын томилгоо мордохын хазгай гэгчээр анхнаасаа л бүтэлгүйтсэн. Тодруулбал, шинэ тутам байгуулсан Соёлын яамтай болж, сайдаар нь Ч.Номинг томилсон билээ. Соёлын бие даасан яамтай болсондоо урлаг, соёл, утга зохиолынхон маань ихэд баярлан урамшиж, алга ташин хүлээн авсан. Гэвч удалгүй тэдний сэтгэл рүү ус цацаж, өдгөө бүр халаглаж, харуусахад хүргээд байна. Тодруулбал, түүхт ёс, уламжлал, зан    7/14/2021 Ч.Номин сайд, “Титаник” Г.Цоггэрэл, “Херо” Б.Баатар нарын ядруухан хоршил https://www.24tsag.mn/a/195428?fbclid=IwAR1xWx6AHkhy1hPZMNM25VUp9Uhf58fZrGuFEs01PJgd5_DRPq2PivqkL2Q 2/5  0  ЖИРГЭХ заншил гэх хэдхэн үгтэй Соёлын сайдын маань чанар чансаа ямархан гэдгийг “Титаник” Г.Цоггэрэл, “Херо” Б.Баатар нарын найруулсан наадмын клип харуулаад өгчихлөө. Ийм л тархи, зүрхтэй улс аж. Гэнэт л шамбааралдаж багширалдсан, салбаганасан олон хүн гарч ирж бужигнаад, тоос шороо босгоод, ядаж байхад хэдэн хүрэл баримлыг байсхийгээд харуулан “Би монгол хүн” хэмээх нь даанч ядруухан сэтгэлгээ. Монголчууд бид ёс суртахуун, хүмүүжлийг эрхэмлэдэг, яруу тансгийг шүтдэг, авьяас билэг нь ундарсан ард түмэн. Дуучид, жүжигчдээ сонгохдоо нуруу туруу, царай зүсийг ч шилж, сонгосонгүй. Гэнэтхэн л тулам булаацалдаж буй согтуу хөлчүү гэмээр залуус өлсгөлөн чоно шиг үмх мах булаацалдаж юуны нөгөө урлаг, гоо сайхан вэ. Соёлын сайд Ч.Номингийн шүүлтүүрээр энэхүү клип орсон байлтай. Тэрбээр Төрийн ордонд мэдэгдэл хийн, наадмын бэлтгэл ажил хэдийнэ эхэлсэн. Гэвч дараа жил хүртэл хойшлуулсан тул өнөөдрийг хүртэл авсан бичлэгийг эвлүүлэн та бүхэндээ наадмын бэлэг болгон барих болноо хэмээж байсан. Гэвч Ч.Номин сайд, “Титаник” Г.Цоггэрэл, “Херо” Б.Баатар нарын хоршил энэ. Ард түмнийг наадаж цэнгүүлэн баясгахаасаа илүүтэй олон хүнийг амаа барин гаслахад хүргэлээ. Өнгөрсөн 100 жилийн түүхэнд Баяр наадмыг анх удаа энэ жил өнжиж байгаа бол дээрх гурвалын ядруухан хоршил ч түмний элэг доог болон түүх болон үлдлээ.