“Сэлэнгэ” мөрөнд хоёр иргэн осолдсон байж болзошгүй тухай дуудлагыг цагдаагийн байгууллагаас өчигдөр /07.09/ өдрийн 15:09 цагт аймгийн онцгой байдлын газарт ирүүлжээ.

“Сэлэнгэ” мөрний эрэг дээр 10 хүн зугаалж байснаас тус аймгийн харьяат иргэн 58 настай, эрэгтэй Д, 50 настай, эмэгтэй Н нар нь "Ниссан Экстрал" загварын суудлын автомашинтай явж байсан бөгөөд сураггүй болжээ.

Тус аймгийн Онцгой байдлын газрын Эрэн хайх, аврах анги, Цагдаагийн газрын алба хаагчид, алба хаагч, мөн өдрийн 17:50 цагт очиж эрэн хайх ажиллагааг зохион байгуулж, мөн өдрийн 17:40 цагт иргэн Д-ийн цогцсыг /осолдсон газраас хойд зүгт 1 км-т/ нь “Сүмийн булан” гэдэг газраас олж, тус аймаг дахь Цагдаагийн газарт шилжүүлж өгсөн.

Иргэн Н-ийг тус сумын “Суварга-Уул” гэдэг газраас “Орхоны гүүр” гэдэг газар хүртэл 18 км-т завиар урсаж, голын эрэг дагуу 6 км-т автомашинтай эрэн хайх ажиллагааг зохион байгуулсан боловч үр дүнд хүрээгүй тул мөн өдрийн 22:00 цагт түр зогсоосон. Өнөөдөр өглөө /07.10/ 05:00 цагт эрэн хайх ажиллагааг дахин эхлүүлжээ.

Эх сурвалж: ОБЕГ