У.Хүрэлсүх өнөөдөр /2021.06.25/ Ерөнхийлөгчийн тангараг өргөлөө. Энэ үеэр Э.Одбаяр тэргүүтэй зарим иргэд эсэргүүцлийн цуглаан зохион байгуулж, коронавирусийн халдвараар нас барагсдад гашуудал илэрхийлж, хүндэтгэл үзүүлэхээр цугларчээ.

Энэ тухай ЦЕГ-ын ХМТ-ийн дарга Б.Баатархүү: “Э.Одбаярын тухайд цагдаагийн байгууллагад урд гаргасан асуудлаар зөрлийн хэрэгт шалгагдаж байсан. Өмнө нь цагдаагийн байгууллагаас олон удаа дуудаж тайлбар авах гэсэн боловч ирээгүй тул очиж Цагдаагийн байгууллага авч явсан байна.

Тайлбар авсан. Мөн С.Зоригийн хөшөөний хажууд бүртгэгдээгүй цуглаан болсон. Цагдаагийн байгууллага  шаардлага тавьсан боловч эсэргүүцэл үзүүлсэн тул Сүхбаатар дүүргийн цагдаагаас зөрчлийг таслан зогсоож хэлтэс дээр авч ирэн тайлбар авсан байна.”гэлээ.