Авлигатай тэмцэх газраас тус газрын дэд даргын албан тушаалд Гаваасүрэнгийн Азжаргалыг томилуулах саналыг УИХ-д ирүүлээд байна.

Нэр дэвшигчийн томилгооны сонсголыг долдугаар сарын 6-ны өдөр зохион байгуулахаар Хууль зүйн байнгын хорооны тогтоолоор шийдвэрлэсэн тул томилгооны сонсголд оролцох хүсэлтэй иргэд хавсралтад байгаа “Томилгооны сонсголд оролцогчийн бүртгэлийн хуудас”-ыг бөглөн долдугаар сарын 5-ны өдрийн дотор munkhchimeg@parliament.mn цахим шуудангаар ирүүлэх аж. 

 Авлигын эсрэг хуулийн 21 дүгээр зүйлийн 21.2 дахь хэсэгт “Авлигатай тэмцэх газар дэд даргатай байна. Дэд даргыг Авлигатай тэмцэх газрын даргын санал болгосноор Улсын Их Хурал томилгооны сонсгол хийж 6 жилийн хугацаагаар томилно” гэж заасан.