Нийслэлийн Сүхбаатар дүүргийн 9 дүгээр хороонд байрлах байранд бага насны хүүхэд тагтны төмөр хашлаганд хавчуулагдсан тухай дуудлагыг өчигдөр буюу зургаадугаар сарын 21-ний өдрийн 17:36 цагт өгчээ.

Улмаар Нийслэлийн Аврах ангийн алба хаагчид зургаан км замыг туулан 17:50 цагт очиход хоёр настай хүүхэд тагтны төмөр хашлаганы завсарт толгойгоо хавчуулсан байсныг гаргаж, ар гэрийнхэнд нь хүлээлгэн өгчээ.