Баянзүрх дүүрэг БҮТЭЭЛЧ ЗАЛУУСАА дэмжиж “SHARE CENTER” байгууллаа

Arslan.mn

Баянзүрх дүүргийн Засаг дарга Н.Баярмөнхийн санаачилгаар дүүргийнхээ бүтээлч залуусыг дэмжих зорилгоор Хөрөнгө оруулалт бүтээн байгуулалтын төвийн дэргэд SHARE CENTER буюу “Дундын оффис”-ыг Баянзүрх дүүргийн Тамгын газар дээр байгуулжээ.

Шинээр бизнес эхлүүлж буй залууст зориулсан SHARE CENTER буюу “Дундын оффис”-ын үүд хаалга дүүргээ хөгжүүлэх шинэ санаачлага гаргаж буй залууст нээлттэй ба төслөө Баянзүрх дүүргийн Тамгын газарт ирүүлснээр 14 хоног тутамд төслийг шалгаруулж, шалгарсан төслийг дүүргийн зүгээс дэмжин хэрэгжүүлэх юм. Урьд нь агуулахын зориулалтаар ашиглаж байсан хэсгийг нийслэл, дүүргээс сонгогдсон төлөөлөгчдийн дэмжлэгээр сүүлийн үеийн тоног төхөөрөмжөөр тохижуулсан бөгөөд хурлын танхим, өндөр хурдны интернет бүхий уулзалтын танхим, номын сантай. Энд залуус сургалт, эвэнт, арга хэмжээ зохион байгуулах бүрэн боломжтой.

Arslan.mn

Нээлтийн үеэр Баянзүрх дүүргийн Засаг дарга Н.Баярмөнх “Дүүргийн хөгжил дэвшил, бүтээн байгуулалтанд хувь нэмрээ оруулах шинэ залуу үеийн санал, санаачлагыг дэмжиж зорилготойгоор энэхүү төвийг тохижуулан үйл ажиллагааг нь эхлүүлж байна. Шинэ ололт, бүтээлч санаачлагуудыг дүүргийн зүгээс бүх талаар дэмжих болно” гэдгийг онцоллоо.

Arslan.mn