МҮОХ-ны ерөнхийлөгч Н.Түвшинбаярыг үүрэгт ажлаас нь түдгэлзүүлсэн. Тэгвэл Н.Түвшинбаяр МҮОХ-ны тамгыг аваад зугтсан гэсэн мэдээлэл цахим орчинд цацагдаад байна. Энэ талаар МҮОХ-ны дэд ерөнхийлөгч Ч.Наранбаатараас тодрууллаа. Тэрбээр, "Тавдугаар сарын 28-нд МҮОХ-ны Гүйцэтгэх зөвлөл хуралдаж МҮОХ-ны ерөнхийлөгчийн үүрэгт ажлаас Н.Түвшинбаярыг түдгэлзүүлсэн. Учир нь ОУОХ-ноос МҮОХ-нд удаа дараа бичиг ирүүлсэн.

Хамгийн сүүлийн бичигт “МҮОХ-ны ерөнхийлөгч Н.Түвшинбаярт ямар ёс зүйн хариуцлага тооцох вэ? Хэрэв хариуцлага тооцож чадахгүй бол ОУОХ-ны ёс зүйн хороогоор авч хэлэлцэнэ” гэсэн. Харин тавдугаар сарын 27-нд МҮОХ-ны ерөнхийлөгч Н.Түвшинбаяр үүрэгт ажилдаа орохоо мэдэгдэж, сайтын нууцлалыг өөрчилж, ОУОХ-нд ажлаа үргэлжлүүлэх хүсэлтэй байгаагаа илэрхийлсэн захидал илгээсэн. Гэвч хариуд нь ОУОХ-ноос "Ес зүйн ямар хариуцлага тооцсоноо мэдэгд. Хэрэв шийдвэр гаргаж чадахгүй байгаа бол ОУОХ-ны ёс зүйн дүрмээр хэлэлцэнэ” гэв

. Ингээд МҮОХ-ны Гүйцэтгэх зөвлөл яаралтай хуралдаж МҮОХ-ны ерөнхийлөгч Н.Түвшинбаярыг үүрэг ажлаас нь түдгэлзүүлсэн. Энэ хурлын үеэр тамгаа аваад явсан байсан. Шаардах хуудас, мэдэгдэл хүргэсэн. Одоо болтол буцааж өгөөгүй байна. Хэрэв өгөхгүй бол хуулийн байгууллагад хандана"