Х.Идэр, З.Болдбаатар, Д.Отгонбаатар нарын гурван шүүгчид олон нийтийн сүлжээгээр цацагдсан бичлэгт өмгөөлөгч Б.Баасанцогттой хамт гардаг. Тухайн шүүгчдэд сахилгын арга хэмжээ авах тухай гомдлыг “Нэхүүл”, “Дархан Монгол ногоон нэгдэл” төрийн бус байгууллагуудаас Шүүхийн ёс зүйн хороонд гаргаад байсан юм. 

Тэгвэл шүүгчдэд сахилгын хариуцлага тооцдог Шүүхийн ёс зүйн хорооны хуралдаанд гурван шүүгчийн нэг нь оролцсон бол хоёрынх нь шүүх хуралдаан давхацсан байна. Тодруулбал, шүүгч Д.Отгонбаатар хуралдаанд оролцсон бол шүүгч Х.Идэр, З.Болдбаатарын шүүх хуралдаан давхацсан учир Шүүхийн ёс зүйн хорооны хуралдааныг хойшлуулах хүсэлт гаргажээ.

Тиймээс хуралдааныг хойшлуулж, 2021 оны тавдугаар сарын 25-ны 09:00 цагт товлолоо.

Дараагийн удаад шүүгч нар хойшлуулах хүсэлт гаргавал хүлээж авахгүй шууд хуралдах юм байна.