Сүүлийн 24 цагийн байдлаар коронавируст халдварын шалтгаант нас баралт долоогоор нэмэгдсэн тухай Эрүүл мэндийн яамнаас мэдээллээ.

Нас барсан хүмүүсийн тухайд 57-80 насны иргэд бөгөөд бүгд эмнэлэгт хэвтэн эмчлүүлж байсан аж.

Түүнээс гадна өчигдөр 70 настай эрэгтэй дөрөвдүгээр сарын 26-нд онош нь батлагдаж, эмнэлэгт хэвтэн эмчлүүлж байгаад бөөрний архаг дутагдлын улмаас нас барсан байна.

Өнөөдрийн байдлаар улсын хэмжээнд коронавирусийн халдвар аваад нас барсан хүний тоо 136 болоод байна. Үүнээс 126 хүнийг COVID-19-ийн хүндрэлээр эндсэн гэж Эрүүл мэндийн яамнаас мэдээлж байгаа бол 10 хүнийг хавсарсан өвчний улмаас нас барсан гэж үзэж байгаа юм.