Энэ сарын 28-ны өдөр ЭХЭМҮТ-ын яаралтай тусламжийн тасагт долоон сартай хүүхэд хүргэгдэн ирээд нас барсан байна гэх дуудлага цагдаагийн байгууллагад ирсэн. Дуудлагын дагуу шалгаж үзэхэд долоон сартай хүүхэд зайдсанд хахсан байдалтай нас барсан байжээ.

Уг хэргийг Баянзүрх дүүргийн цагдаагийн хэлтэс шалгаж байна.

Иймд эцэг эх асран хамгаалагчид анхаарал сэрэмжтэй байж хүүхдүүддээ тавих хараа хяналтаа сайжруулах, улмаар амны хөндий нь бүрэн хөгжөөгүй хүүхдэд бүхэл хоол унд өгөхгүй байхыг сануулж байна.