Өнгөрсөн сарын 21-нд Хөвсгөл аймгийн Тосонцэнгэл сумын Тээл багийн “Тэгш булан” гэдэг газар 10 хүн “Сэлэнгэ мөрөн”-ийг завиар гатлах явцад завь нь хөмөрч 7 хүн голын усанд осолдсон.

Осолдсон иргэдийн дөрвийнх нь цогсыг олсон. Харин аймгийн Онцгой байдлын газар, Орхон, Булган, аймгийн Онцгой байдлын газрын алба хаагчид, Тосонцэнгэл, Рашаант, Их-Уул сумын Засаг даргын Тамгын газрын ажилтнууд, иргэд Хөвсгөл аймгийн Шинэ-Идэр сумын харьяат 50 настай эрэгтэй Г, 32 настай эмэгтэй У, найман настай эмэгтэй Б нарыг эрэн хайх ажиллагааг зохион байгууллаа. Гэвч эрэн хайх үр дүнд хүрээгүй тул ар гэрийнхэнтэй нь зөвшилцөж зогсоосон байна.