Нийслэлийн Сүхбаатар дүүргийн 18 дугаар хорооны нутагт дэвсгэрт автозамын зорчих хэсэгт зам тээврийн осол болж автомашины төмөр хийцэд хүн хавчуулагдсан байна гэсэн дуудлагыг дөрөвдүгээр сарын 27-ны өдрийн 17:02 цагт өгчээ.

Дуудлагын дагуу нийслэлийн Аврах анги-105-ын алба хаагчид 15 км зам туулан 17:18 цагт очиход  “Бэлх” хүнсний захын дэргэд автозамын зорчих хэсэгт “Тоёота Приус-30” суудлын автомашин осолдож автомашины төмөр хийцэд нэр, нас, хаяг тодорхойгүй хоёр эрэгтэй хүн хавчуулагдан нас барсан байжээ.

Ослын газарт 1 цаг 20 минут ажиллаж цогцсыг гарган Тээврийн цагдаагийн ахлах зохицуулагчид шилжүүлэн өгсөн хэмээн ОБЕГ-аас мэдээллээ.