Бүх нийтийн бэлэн байдлын зэргийг 2021 оны тавдугаар сарын 8-ны өдрийн 06:00 цаг хүртэл сунгасантай холбогдуулан  Улсын Онцгой комиссоос гамшгийн үед цар тахалтай тэмцэх хариу арга хэмжээний багийн ажлыг эрчимжүүлэх хүрээнд төрийн болон нутгийн захиргааны байгууллага, иргэн, хуулийн этгээдийг авто машинаар замын хөдөлгөөнд QR кодоор зорчуулах тухай тушаал гаргасан билээ. 

Харин  тус шийдвэрээс болж эрүүл мэндийн салбарынхан ажилдаа ирж, очиход хамгийн их хүндрэлтэй нүүр тулаад байсан юм.

Тэгвэл Эрүүл мэндийн яам Цагдаагийн ерөнхий газрын удирдлагуудтай тохиролцсоны дагуу нийт эмч, эрүүл мэндийн байгууллагын ажилтнуудыг ажлын үнэмлэх, албан байгууллагын тодорхойлолт үндэслэн QR кодгүйгээр замын хөдөлгөөнд оролцуулахаар шийдвэрлэжээ.