Энэ долоо хоногт зам тээврийн ослын улмаас Улаанбаатарт гурван хүн гэмтэж, орон нутагт нэг хүүхдийн амь нас хохирчээ.

Тодруулбал, Энэ сарын 15-ны өдөр  Сэлэнгэ аймагт бага оврын ачааны машины жолооч хашаан дотроо хөдөлгөөн эхлэхээр ухрах үедээ бага насны хүүхдийг мөргөж амь насыг нь хохироосон харамсалтай осол гарсан байна.

Иймд жолооч нар тээврийн хэрэгслийн хөдөлгөөн эхлэхдээ зам, орчны байдлыг тогтмол тойрч шалгаж байхыг анхааруулж байна.