Олимпын аварга, МҮОХ-ны ерөнхийлөгч Н.Түвшинбаяр Улсын өсөх идэр начин Э.Энхбатын биед хүнд гэмтэл учруулсан байж болзошгүй гэх хэрэгт холбогдож, 20 хоног саатуулагдаад буй. Харин Улсын начин Э.Энхбат хүнд бэртэлтэйгээр Гэмтэл согог судлалын үндэсний төвийн Сэхээн амьдруулах тасагт хэвтэн эмчлүүлж байсан билээ.

Тэгвэл түүнийг эмчлүүлэхээр БНСУ руу явах гэж байгаа талаар мэдээлэл гарсан. Энэ талаар  эх сурвалжаас тодруулахад “Өнөөдөр 12:00 цагийн үед  Э.Энхбатыг БНСУ-д эмчилгээ хийлгэхээр авч явсан. Биеийн байдал нь хүнд байгаа." гэв.

Онгоцонд ар гэрийнхнээс нь гадна ГССҮТ-ийн эмч, сувилагч дагалдаж явсан бөгөөд өвчтөнийг БНСУ-ын эмнэлэгт хүлээлгэж өгөөд буцах аж.