Улсын начин Э.Энхбатын биеийн байдал хүнд байгаа талаар өмнө нь мэдээлсэн. Гэмтэл Согог Судлалын Үндэсний төвийн алтан гартай эмч, мэргэжилтнүүдийн баг бүх талын эмчилгээг хийж, түүний биеийн байдлыг бүрэн хянаж байгаа талаар албан эх сурвалж мэдээлсэн.

Гэтэл сүүлийн өдрүүдэд начин Э.Энхбатыг эмчлүүлэхэд 500 сая төгрөг хэрэгтэй, хандивын аян өрнүүлэх талаар мэдээлэл хөрвөөд эхэлж. Харин энэ талаар ГССҮТ-өөс "манай эмнэлгийн зүгээс ямар ч төлбөр мөнгө нэхэмжлээгүй, бид бүх талаараа эмнэлгийн тусламж, үйлчилгээг үзүүлж, мэргэжлийн эмч нарын баг тогтмол эмчилгээ хийн ажиллаж байна" гэсэн юм. Тэгвэл бие нь тааруу байгаа начины нэрийг барин  ийнхүү мөнгөн дүнг хэн цахим орчинд түгээх болов. Хэрвээ Э.Энхбат начины эмчилгээнд нэмэлт санхүүжилт хэрэгтэй бол хуулийн дагуу түүнийг хохироосон Н.Түвшинбаяр бүх хохиролыг барагдуулах үүрэгтэй билээ. Н.Түвшинбаярын хувьд ШШЕГ-ын 461-р ангид саатуулагдаж буй.