Өнгөрсөн оны аравдугаар сарын 5-ны өдөр явган хүний гарцаар гарч байсан таван настай хүүхдийг дайрч амь насыг нь хохироосон осол гарсан.  Тухайн үед  Хан-Уул дүүргийн 6 дугаар хороо Чингисийн өргөн чөлөө, Яармагийн эмнэлгийн хойд зам, явганы гарцан дээр BMW X3 маркийн автомашины жолооч Б явган зорчигч Б, О нарыг мөргөсөн бөгөөд ослын улмаас 9 настай, эрэгтэй, О гэмтэж, 5 настай, эмэгтэй Б-н амь насыг хохироосон юм.

Улмаар жолооч Б цагдаагийн байгууллагаас эрүүгийн хэрэг үүсгэн шалгаж эхэлсэн байдаг. Уг хэрэгт холбогдох шүүх хурал өнгөрсөн сарын 24-нд Хан-Уул дүүргийн Иргэний хэргийн анхан шатны шүүхэд товлогдсон ч шүүгдэгч Б.-ийн өмгөөлөгчийн шүүх хурал давхардсан шалтгаанаар хойшилсон байдаг.

Тэгвэл өнөөдөр Хан-Уул дүүргийн Иргэний хэргийн анхан шатны шүүхийн танхимд шүүх хуралдаан болж, шүүхээс шүүгдэгч Б-г гэм буруутайд тооцож 1.6 жилийг нээлттэй хорих ангид эдлүүлэх шийдвэр гаргажээ. Мөн жолоо барих эрхийг зургаан жилээр хассан байна.