Иргэн Г.Мөнхжаргал хугацаат цэргийн албан хаагч зодуулж амиа алдсаныг эсэргүүцэж, талбайд хувцсаа тайлан, өөрийн Фэйсбүүкээр дамжуулан лайв бичлэг хийж, үзэл бодлоо илэрхийлжээ.

Тэрбээр "Цэрэг амь насаа алдсантай холбогдуулан би энд лайв хийж бүтэн цаг цээж нүцгэн зогсоно. Хүний амийг үнэлдэг яасан их мөнгөтэй юм? Би хүүгээ цэрэгт явуулна гэхээс эмээж байна.  Цэрэг дайнд яваад эх орон, хайртай хүмүүсийнхээ төлөө амиа алдсан бол өөр хэрэг. Нэг жилийн хугацаатай цэргийн алба хүний аминд хүртлээ ийм яргалалтай байж болохгүй. Ийм зүйл болчхоод байхад яагаад хэн ч дуугарахгүй байгаа юм?" гэв.