ЦЕГ-ын Хэвлэл мэдээлэл, олон нийттэй харилцах хэлтсийн дарга Б.Баатархүү мэдээлэл хийлээ. Энэ үеэр "Хан-Уул дүүргийн 4-р хорооны нутаг дэвсгэрийн Ханбогд хорооллын гурван давхраас хүн унасан гэсэн дуудлага мэдээлэл ирсэн. Уг асуудлыг Хан-уул дүүргийн Цагдаагийн II хэлтэс шалгаж байгаа. Шалгалтын явцад 41 настай эрэгтэй нь гэрийнхэн нь гаргахгүй байсан учраас тагтаараа дамжаад гарах оролдлого хийж байгаад унасан. Тохойны гэмтэлтэй, хэлээ хазсан гэсэн оноштойгоор ГССҮТ-д хэвтэн эмчлүүлж байна." хэмээлээ.