Төв аймгийн Сэргэлэн суманд бүтээн байгуулалт хийнэ хэмээн 22,000 га газрыг улсын тусгай хэрэгцээнд авах гэж байгааг иргэд малчид эсэргүүцэж, Ерөнхий сайд, УИХ-ын гишүүдэд албан бичиг хүргүүллээ. 

Төв аймгийн Сэргэлэн сумын иргэдийн төлөөлөл "Манай сумын 22,000 га газрыг Богд хаан төмөр замын бүтээн байгуулалт, хот байгуулна гэж гэж улсын тусгай хэрэгцээнд авсан. Бүтээн байгуулалтыг дэмжиж байгаа ч газрыг хоморголон авахыг дэмжихгүй байна. 1,800 гаруй аж ахуйн нэгж, иргэдийн эрх ашиг хөндөгдөж байгаа.

Газрыг том хэмжээгээр авчихаад хоёр төрлийн зураг гарч ирсэн. Дахиад дараагийн 3 дахь зураг гарч ирэх мэдээлэл ч дуулдаж байна. Тиймээс Ерөнхий сайд Л.Оюун-Эрдэнэ, ЗГХЭГ-ын дарга Ц.Нямдорж нарт газрыг буцаан авах шаардлага хүргүүлж байна. Бид бүтээн байгуулалтын ажлыг дэмжиж байгаа ч манай сумын газар багасаж, малын бэлчээргүй болж байгаа тул энэхүү шаардлагыг хүргүүлж байна." хэмээлээ.