Дэлхийн 220 гаруй оронд сая сая хүүхэд залуучууд, насанд хүрэгчдийг гишүүнээрээ элсүүлсэн скаутын хөдөлгөөн анх 1907 оны энэ өдөр зохиогдож байжээ. Чухам тэр мөчөөс эхлэн дэлхийд Скаут хэмээх томоохон нэр томьёо орж ирсэн бөгөөд үндэслэгч нь Английн цэргийн зүтгэлтэн Баден Пауэл юм. Английн цэргийн ахлагч Пауэл өөрийн цэргүүдийн сул дорой байдлыг өөрчлөхийн тулд цэргийн сахилга бат, зохион байгуулалт, бие даах, хөдөө хээр хэрхэн амь зуух зэргийг заадаг байсан нь өнөөгийн скаутын гол чадвар болжээ.