Шадар сайд А.Амарсайхан, Эрүүл мэндийн сайд С.Энхболд нар өнөөдөр Дотоодын хэргийн их сургууль дээр очиж, вакцинжуулалтын ажилтай биечлэн танилцлаа. 
Вакцинжуулалтын ажлыг өнөөдрөөс эрчимжүүлээд байгаа ба эрүүл мэндийн салбарын эмч, сувилагч нар болон хил хамгаалах, цагдаа цэргийн албан хаагчидаа дархлаажуулж байна. 

Одоогийн байдлаар 4000 албан хаагчдыг вакцинд хамруулахаар ажиллаж байгаа аж. УОК-оос 3, 4-р сардаа багтаан нийслэлийн нэг сая гаруй иргэнээ дархлаажуулна хэмээн мэдэгдээд байгаа билээ. Вакцин хийлгэхэд иргэн заавал ПСР шинжилгээ өгсөн байх шаардлагагүй гэдгийг УОК-ын дарга, Шадар сайд А.Амарсайхан хэллээ.