Үндэсний статистикийн хорооны мэдээлснээр, манай улсын иргэд 2020 онд төрсөн эрэгтэй хүүхдэдээ Ананд, эмэгтэй хүүхдэдээ Амин-Эрдэнэ гэсэн нэрийг хамгийн их өгчээ.

Тодруулбал, 2020 онд эрэгтэй хүүхдэд Ананд, Анар, Тэнүүн гэсэн нэрийг түгээмэл өгсөн бол охидод Амин-Эрдэнэ, Сондор, Мишээл нэрийг түгээмэл өгсөн байна.

Охидын хамгийн түгээмэл өгсөн гурван нэр 2020 онд өнгөрсөн оныхоос өөрчлөгдөөгүй байна. Харин хөвгүүддээ Тэнүүн гэсэн нэрийг түгээмэл өгсөн нь гуравт эрэмбэлэгдэж байна.