Цар тахлын үеэр хамтлаг, дуучид онлайнаар тоглолт зохион байгуулж, иргэд ААН-ээс хандив цуглуулан, олсон орлогоо УОК-ийн дансанд шилжүүлсэн.

Тодруулбал, хөл хорионы үед томоохон дөрвөн хандивын тоглолт зохион байгуулагдаж, нийт 2 тэрбум 897 сая төгрөгийн мөнгөн хандив, мөн өнгөрсөн оны наймдугаар сарын байдлаар 290 аж ахуйн нэгж, 256 иргэнээс 7.4 тэрбум төгрөгийн мөнгө болон бараа материал хандиваар цугларчээ.

Харин үнээс  хойш хэдэн төгрөг хандив, тусламжийн хүрээнд цугласан нь тодорхойгүй байна.

Энэ мөнгийг Засгийн газар, УОК юунд зарцуулж байгаа нь одоо хүртэл ойлгомжгүй байсаар байна. Бүхэл бүтэн Улсын Засгийн газар, УОК иргэдээс авч байгаа мөнгөний зарцуулалтаа тайлагнахгүй ард иргэдэд хардалт төрүүлээд асуудлыг даамжруулсаар байгаа билээ.

Тэгвэл эх сурвалжийн мэдээлж буйгаар  иргэн, ААН-үүдээс өгсөн хандивын мөнгийг үр дүнтэй, нээлттэй зарцуулж чадсан эсэх асуудал ил тод бус байгаа учир хэн, хаана, юунд зарцуулсныг тодорхой болгохоор Авилгатай тэмцэх газар, цагдаагийн байгууллагад шалгаж эхэлжээ.