Улсын Онцгой комиссын шийдвэрийн дагуу манай улс гадаадаас иргэдээ татах авах ажиллагаагаа энэ сараас үргэлжлүүлээд байна. Тухайлбал, өчигдөр Сөүл-Улаанбаатар чиглэлийн тусгай үүргийн онгоц “Буянт-Ухаа” олон улсын нисэх буудалд 19:00 цагт газардлаа.

Тус нислэгээр нийт 256 иргэн эх орондоо ирлээ. Үүний 12 нь бага насны хүүхэдтэй гэр бүл, 11 нь жирэмсэн, 13 нь өндөр настан, 24 нь эрүүл мэндийн шалтгаантай, 20 нь түр саатуулах байранд байсан, 92 нь бусад шалтгаантай иргэн юм байна.