Гадаад харилцааны яамнаас тусгай үүргийн нислэгийн тоог 3 дахин нэмэгдүүлж ирэх сард 12 удаагийн нислэг хийхээр болсон. Ингэхдээ БНСУ руу зургаан удаа нисэх бол, Токио руу гурван удаа, Европын орнууд руу хоёр удаа нисэх бол Казахстан руу нэг удаагийн нислэг хийнэ.

Тусгай үүргийн нислэгээр ирж байгаа иргэдийн онгоцны зардлыг хөнгөлөх, тусгаарлалтын хоногийг 10 болгож бууруулсан. Үүнээс гадна иргэдэд гурван төрлийн сонголт гаргаж тусгаарлагдах буудлаа өөрөө сонгодог болгосон.