Гэр бүлийн маргааны улмаас өндрөөс үсрэхийг завджээ
Сар шинийн баярын өдрүүдэд Онцгой байдлын алба хаагчид гэр бүлийн маргааны улмаас өндрөөс үсрэх гэж байсан эмэгтэйг аварсан байна.
Тодруулбал, Дорнод аймгийн Хэрлэн суманд 36 настай эмэгтэй Н хуучин тоосгоны барилгаас үсрэх гэж байсныг алба хаагчид буулгаж, эмнэлэгт шилжүүлжээ. Тус сумын Силикат хороолол барилгаас хүн үсрэх гэж байна гэх дуудлага өчигдөр 17:00 цагийн үед бүртгэгдсэн байна.
Мөн Ховд аймагт энэ сарын 13-нд гэрээсээ гараад сураггүй болсон малчин нас барсан байжээ. Тодруулбал, 24 настай эрэгтэй малчин М нь өглөөний 09:00 цагт гэрээсээ малдаа явахаар гараад сураггүй болсон байна. Энэ тухай дуудлага өчигдөр 16:30 цагт аймгийн Онцгой байдлын газарт бүртгэгджээ. Энэ дагуу сумын Засаг даргын Тамгын газрын ажилтнууд, ар гэрийнхэн болон онцгой байдлын алба хаагчид эрэн хайх ажлыг зохион байгуулжээ. Эрлийн багийнхан 17:40 цагийн үед гэрээс нь баруун хойд зүгт 10 км-т “Бэлчирийн рашаан” гэх газраас малчны цогцосыг олж, цагдаагийн байгууллагад шилжүүлжээ.
![](https://www.arslan.mn/files/banner/4gckvvmc1p.gif)
![Like an post](templates/img/comment/like.png)
![Love an post](templates/img/comment/love.png)
![haha an post](templates/img/comment/haha.png)
![wow an post](templates/img/comment/wow.png)
![yay an post](templates/img/comment/yay.png)
![sad an post](templates/img/comment/sad.png)
![ouch an post](templates/img/comment/ouch.png)
![confuse an post](templates/img/comment/confused.png)
![angry an post](templates/img/comment/angry.png)