УОК-ын өчигдрийн хуралдаанаар энэ сарын 11-23-нд Улаанбаатар хотод хөл хорио тогтоохоор шийдвэрлэсэн.

Энэ үеэр Шадар сайд, УОК-ын дарга С.Амарсайхан "Тусгай нислэг хуваарийн дагуу явна. Эх орондоо ирэх хүсэлт гаргасан 10 мянга гаруй иргэн байгаагаас дийлэнх нь БНСУ-д байна. Мөн 345 хүүхэд, хөгжлийн бэрхшээлтэй хүмүүс бий. Тиймээс хүүхэд багачууд, ахмадууд гээд эрэмбэ дараагаар нь авах зохицуулалт хийнэ." гэлээ.