УИХ-ын гишүүн асан Н.Номтойбаярт холбогдох эрүүгийн хэргийг Дээд шүүхэд өнөөдөр хэлэлцэхээр товлосон байсан юм. Тэгвэл шүүх бүрэлдэхүүн хойшлуулах хүсэлтийг хэлэлцээд хүлээж авснаар шүүх хурал хойшиллоо. 

Н.Номтойбаярт Чингэлтэй дүүргийн эрүүгийн хэргийн анхан шатны шүүхээс нийтийн албанд томилогдох эрхийг таван жилийн хугацаатай хасаж таван жил таван сар хорих ял оноосон. Харин Давж заалдах шатны шүүхээс ялыг хэвээр үлдээгээд байсан юм.