УОК-ын Шуурхай штабын дарга Б.Ууганбаяр: 

"Өнөөдрийн байдлаар улсын хэмжээнд 37 тусгаарлах байранд 1,708 иргэн байна. Улаанбаатар хотод 31 тусгаарлах байрыг нь ашиглаж байгаа. Сүүлийн 24 цагийн байдлаар 36 иргэнийг нэмж тусгаарласан бөгөөд дотоод шилжих хөдөлгөөн хийж 24 иргэнийг шилжүүлэн тусгаарласан. Зургаан иргэн гэрийн ажиглалтад шилжсэн. Үндсэндээ сүүлийн 72 цагийн байдлаар 105 хүн гэрийн ажиглалтад шилжсэн ба “Эх нярайн эмэгтэйчүүдийр төв-2”-оос есөн хүн эдгэрч гарсан.

Улсын хэмжээнд 670 иргэн гэрийн ажиглалтад байна. Гэрийн ажиглалтад байгаа иргэд халдвар хамгааллын дэглэмээ сайтар сахихыг хүсье. 

“Нэг өрх- нэг иргэн уриан дор шинжилгээг хийж байгаа. Үүний хүрээнд нийслэлийн хэмжээнд 410 мянган өрхөөс шинжилгээ авах ажлыг зохион байгуулах судалгаа хийж байна. Түүнээс биш удирдлагын түвшинд Улаанбаатар хотод "тэг зогсолт" хийх асуудал яригдаагүй тул иргэд сандарч үймэхгүй байхыг хүсье. Улаанбаатар хотод "тэг зогсолт" хийх боломжгүй” гэсэн юм.