Ковид-19 цар тахлын улмаас үүссэн нөхцөл байдалтай уялдуулан Засгийн газраас Монголбанктай хамтран ипотекийн зээл болон зарим төрлийн зээлийн төлөлтийн хугацааг энэ оны долдугаар сарын 1 хүртэл хойшлуулах, мөн хүүгийн төлбөрөө хойшлуулах шийдвэр гаргасан. Үүнтэй холбоотойгоор жижиг, дунд бизнес эрхлэгчдийн үйл ажиллагааг тогтвортой байлгах, ажлын байраа хадгалахад нь дэмжлэг үзүүлэх зорилгоор Хүнс хөдөө аж ахуйн, хөнгөн үйлдвэрийн сайд тушаал гаргаж, ЖДҮХС-гаас зээл авсан иргэдийн зээлийн төлөлт болон хүүгийн төлбөрийг хойшлуулах шийдвэр гаргасан байна. 

Зээлээ хойшлуулахыг хүссэн иргэн, аж ахуйн нэгж хүсэлтээ скайнердаж, тус сангийн цахим хаягаар илгээх ёстой аж.