ЭМЯ-аас ээлжит мэдээллээ хийж байна. 

ХӨСҮТ-ийн Тандалт судалгааны албаны дарга А.Амбасэлмаа: 

“Өчигдөр улсын хэмжээнд нийтдээ 11,581 сорьцод шинжилгээ хийхэд 22 хүнээс коронавирус илэрлээ. Шинээр илэрсэн 22 тохиолдол бүгд Улаанбаатар хотод бүртгэгдсэн байна.

Ингээд Монгол Улсын хэмжээнд бүртгэгдсэн коронавируст халдварын тохиолдол нийтдээ 1,308 боллоо. Үүнээс одоогоор 884 хүн эдгэрээд байгаа бол 413 хүн эмчлүүлж байна. Сүүлийн 24 цагийн дотор Сэлэнгэ, Дархан-Уул, Говьсүмбэр, Орхон, Архангай, Дорноговь аймгийн голомтоос батлагдсан тохиолдол бүртгэгдээгүй. 

Ард иргэдийн дунд халдвар тархах эрсдэл маш өндөр байна.Тиймээс та бүхэн эрүүл мэндийн байгууллагаас өгч байгаа зөвлөмж, зөвлөгөөг сайтар дагах хэрэгтэй байна.