Мэргэжлийн хяналтын улсын байцаагчид энэ сарын 23-наас QR кодоор бүртгэх системийг шалгалтандаа нэвтрүүлж эхэлжээ. Энэ хүрээнд коронавируст цар тахлаас урьдчилан сэргийлэх, эрүүл ахуй халдвар хамгааллын дэглэмийг мөрдүүлэх 13 асуумжаар аж ахуйн нэгжийн үйл ажиллагааг хянах аж.

Өнгөрсөн сарын 15-наас арванхоёрдугаар сарын 24-нд есөн дүүргийн 171 хорооны 10496 (давхардсан тоогоор ) объект хамруулан хяналт шалгалт хийжээ.

Шалгалтаар нийт  5690 зөрчил илрүүлж 71.3 хувийг газар дээр нь арилгуулж, коронавируст халдвараас урьдчилан сэргийлэх эрүүл ахуй, халдвар, хамгааллын дэглэмийг мөрдөх, хүнсний аюулгүй байдлыг хангаж ажиллах талаар хүргүүлсэн мэдэгдлүүдийн биелэлт, хэрэгжилтэд хяналт тавьжээ.

Шалгалтаар 288  иргэн, аж ахуйн нэгжийн  хадгалалтын горим зөрчсөн, хадгалах хугацаа дууссан 655 нэр төрлийн 2367 ширхэг, 54.8 кг хүнсний түүхий эд, бүтээгдэхүүнийг тухайн байгууллагын дотоод хяналтаар устгуулсан байна. Мөн QR код байршуулаагүй, үйлчлүүлэгчийн биеийн халуун үзэж бүртгэл хөтлөөгүй, хоорондын зай бариагүй ажлын байрны цэвэрлэгээ хангалтгүй, ариутгал хийлгээгүй зэрэг халдвар хамгааллын дэглэмийг мөрдөж ажиллаагүй зэрэг зөрчил гарч байгаа аж.