Хөвсгөл аймгийн Рэнчинлхүмбэ сумын Далайн зах багийн “Арсай” гэдэг газар гурван иргэн суудлын автомашинаар “Арсайн” голыг гатлах гэж байгаад урсжээ.

Тодруулбал, тус аймгийн Рэнчинлхүмбэ сумаас Мөрөн сум руу зорчиж явсан Бүрэнтогтох сумын харьяат иргэн 57 настай, эрэгтэй Л, 56 настай, эрэгтэй Д, 56 настай, эмэгтэй Б нар “Пажеро” загварын суудлын автомашинтай “Арсайн” гол гаталж яваад урсаж, автомашинтайгаа голын дунд хэсэгт суусан байна. Энэ тухай дуудлагыг өчигдөр өдрийн 20:35 цагт өгчээ.

Дуудлагын дагуу Хөвсгөл аймгийн Онцгой байдлын газрын Эрэн хайх, аврах салбарын алба хаагчид мөн өдрийн 22:05 цагт тухайн газар руу хөдөлсөн байна.

Эх сурвалж: ОБЕГ