Монголын Хуульчдын холбооноос 2020 оны Хуульчийн мэргэжлийн шалгалтыг 2020 оны аравдугаар сарын 28, 29, 30-ны өдрүүдэд Улаанбаатар хотод зохион байгуулахаар товлосон.

Хуульчийн мэргэжлийн шалгалтын бүртгэл 2020 оны наймдугаар сарын 14-ний өдөр эхэлж, 2020 оны есдүгээр сарын 27-ны өдрийн 00:00 цагт дуусах бөгөөд бүртгэлийг https://burtgel.mglbar.mn/login цахим хаягаар явуулах юм.

Шалгалтыг сорилго, бодлого гэсэн дарааллаар авна. Сорилгын шалгалт нь 200 асуултаас бүрдэх бөгөөд үргэлжлэх хугацаа 200 минут, бодлогын шалгалтын нэг бодлогыг бодох хугацаа 150 минут байна.

Хуульчийн эрх зүйн байдлын тухай хууль, Хуульчийн мэргэжлийн шалгалтын журам, Хуульчийн мэргэжлийн дадлагад тооцох журам болон шалгалтад бүртгүүлэх заавартай www.mglbar.mn (Монголын Хуульчдын холбооны албан ёсны сайт), https://burtgel.mglbar.mn/login (Шалгалтын бүртгэлийн цахим хаяг) цахим хаягт хандан танилцах боломжтой.

Түүнчлэн бүртгэл болон шалгалттай холбоотой мэдээллийг өгөх хэвлэлийн хурлыг маргааш буюу наймдугаар сарын 13-ны 11:30 цагт Хууль зүйн Үндэсний хүрээлэнгийн хурлын танхимд зохион байгуулахаар болжээ.

Дэлгэрэнгүй мэдээллийг 70116364 (Хуульчийн мэргэжлийн шалгалтын хороо хариуцсан мэргэжилтэн) утсаас лавлана уу.

Монголын хуульчдын холбоо
Хуульчийн мэргэжлийн шалгалтын асуудал эрхэлсэн хороо