Барилгын хөгжлийн төвөөс захиалагчийн техникийн хяналтыг хэрэгжүүлж, "Гандрис орд” ХХК-ийн боловсруулсан зураг төслийн дагуу Шайнинг хаус ХХК орон сууцны барилгын гадна дулаалга, дулааны техникийн шинэчлэлийн ажлыг тус төслийг хэрэгжүүллээ. Төсөлд Баянгол дүүрэг, 5, 6 дугаар хороо 5, 12, 16, 41-р байруудыг хамруулсан байна.

Нийслэлийн хэмжээнд хуучны угсармал орон сууцны хавтан хоорондын заадасны чигжээс шавар хагарч муудсан, дулаан алдагдал ихтэй, оршин суугчид тав тухгүй хүйтэн нөхцөлд амьдардагаас цахилгаан халаагуур залгаж эрчим хүч ихээр ашиглах болсон.

Монгол Улсын Засгийн газраас эрчим хүч хэмнэх, дулаан алдагдлыг бууруулах, иргэдийн тав тухтай орчинд амьдрах нөхцлийг бүрдүүлэх чиглэл өгсний дагуу сүүлийн жилүүдэд хуучин угсармал орон сууцнуудын гадна ханыг ISO стандарт хангасан гал дэмждэггүй хөөсөн полистирол хавтангаар дулаалж гадна фасадны өнгийг чулуун будгаар будаж орчны өнгө үзэмжийг нэмэгдүүлжээ.