“Orice” нэрээр танигдсан реппер Н.Алтан-Оргилыг хэсэг бүлэг этгээдүүд дээрэмдэж, таван давхраас унагасан тухай түүний дотнын хүмүүс сошиал орчинд мэдээлж байсан. Тэрээр сэхээнд хэвтэн эмчлүүлж байгаад өчигдөр нас барсан тухай мэдээлэл олон нийтийн цахим сүлжээнд гарсан. Энэ хэргийн талаар ЦЕГ-ын Хэвлэл мэдээллийн төвийн дарга, Цагдаагийн дэд хурандаа Б.Баатархүүгээс тодрууллаа. “Цахим орчинд бичээд байгаа шиг нэг залууг олуулаа нийлж зодоод таван давхрын цонхоор шидэж амь насыг нь хохироосон гэдэг нь  худал мэдээлэл. Талийгаач өндрөөс унаж хүнд гэмтэл авч эмнэлэгт нас барсан. Энэ хэргийг Баянгол дүүргийн цагдаагийн хэлтэс шалгаж байна” гэлээ.