Тулгар төрийн 2229, Их Монгол Улсын 814, Ардын хувьсгалын 99 жилийн ой, Үндэсний их баяр наадмын хүчит бөхийн барилдааны нэгийн даваа 13 дугаар зуун цогцолборт эхэллээ.

Энэ жилийн наадамд Монгол Улсын гавьяат тамирчин, даяар дуурсагдах далай даян дархан аварга Г.Өсөхбаяр, Архангай аймгийн Хашаат сумын харьяат Монгол Улсын аварга Ч.Санжаадамба, Увс аймгийн Ховд сумын харьяат аварга Н.Батсуурь тэргүүтэй начин, заан, гарьд, харцага, арслан, цолтой 512 хүчит бөх барилдаж байна.