Японы Асахи Шинбүн сонины цахим хуудсанд “Японы жижиг фирмүүд Монголд бизнесийн өргөн боломж байгааг олж харжээ” гэсэн гарчигтай мэдээлэл нийтлэгджээ. Уг нийтлэлд монголчуудыг “vodka loving nation” буюу “архинд дуртай үндэстэн” гэж тодорхойлоод Чиба мужид үйл ажиллагаагаа явуулдаг Iinuma Honke Corp.хэмээх архи дарсны үйлдвэрлэл эрхэлдэг компани бүтээгдэхүүнээ Монголын зах зээлд өрсөлдүүлж байгаа талаар дурджээ.

Тус компанийн үйлдвэрлэдэг сакэ болон алкоголь багатай бусад архи дарсны зах зээл  Монголд хангалттай байгаа гэнэ.Тэд Монголд япон хоолны сүлжээ ресторан байгуулах ажлыг өнгөрсөн хавраас эхэлсэн бөгөөд борлуулалт хангалттай байна гэдэгт итгэсэн учраас одоо архи дарсны экспортоо эхлүүлэхээр зэхэж байгаа ажээ.