Долдугаар сарын 9-н буюу өчигдөр 18:00 цагийн орчимд орон нутгийн замд автомашин онхолдож долоон хүн амиа алджээ.

Тээврийн цагдаагийн албанаас өгсөн мэдээллээр, Завхан аймгийн Тэлмэн сумын Баян-Айраг багийн нутаг дэвсгэр Шумуултайн ар гэх газар Увс аймгаас Эрдэнэт хотын чиглэлд зорчиж явсан Toyota Аlphard маркийн автомашин замаас гарч онхолдон, автомашинд байсан долоон зорчигч амь насаа алдсан харамсалтай явдал болжээ.

Иймд жолооч нар анхаарал болгоомжтой замын хөдөлгөөнд оролцож, хурдаа тохируулан аюулгүй байдлаа ханган, хамт яваа хайртай дотны хүмүүстээ аюул, занал учруулалгүй зорчихыг Тээврийн цагдаагийн албанаас анхаарууллаа.