Улаанбаатар хотод өчигдөр (2020.06.24) их хэмжээний усархаг бороо орсны улмаас зарим дүүргүүдэд үер буув. Үерийн үеэр үүрэг гүйцэтгэж байсан Цагдаагийн I хэлтсийн алба хаагч, дэд ахлагч н.Баттөр хүний амь аварчээ.

Тодруулбал, Сонгинохайрхан дүүргийн 22 дугаар хорооны нутаг, Тахилтад буусан үерт урсаж байсан 11 настай хүүгийн амийг тус дүүргийн Цагдаагийн I хэлтсийн алба хаагч, дэд ахлагч н.Баттөр аварсан байна.