Энэ сарын 21-ний өдөр нийслэлийн Баянзүрх дүүрэгт өсвөр насны хүүхэд ахуйн хэрэглээний хий үнэрлэж байгаад нас барсан хэрэг гарчээ. Хэргийн тухай дуудлага оройн 20.00 цагийн орчимд цагдаагийн байгууллагад иржээ. 

Тодруулбал, тус дүүргийн арваннэгдүгээр хорооны нутаг дэвсгэрт оршин суух  14 настай эрэгтэй А нь ахуйн хэрэглээний хий үнэрлэсний улмаас нас барсан болох нь тогтоогджээ. Хэргийн газраас улаан өнгийн газны лааз хураан авч хавтаст хэрэгт хавсарган хэргийг шалгаж эхэлжээ.