Төв талбайн урд талын Хөгжмийн аялгуут усан оргилуурыг өнөөдөр нээх тухай мэдээлэл сошиал орчинд тархжээ. Уг бүтээн байгуулалтын тохижилтын ажил дууссан ч ашиглалтад оруулж, нээлт хийх хугацаа хойшилсон талаар эх сурвалж мэдээллээ.

Эх сурвалжийн мэдээлж буйгаар тохижилтын ажил 100 хувь дууссан хэдий ч ашиглалтад оруулахаас өмнө урьдчилж хэд, хэдэн удаа шалгаж, туршиж байж хүлээлгэн өгөх учир нээлт хийх хугацааг хойшлуулсан бөгөөд ирэх долоо хоногийн Даваа гарагт ашиглалтад оруулах аж.