Хаврын хуурайшилттай өдрүүд үргэлжилж байгаа тул ой хээрийн түймрээс урьдчилан сэргийлэхийн тулд ИРГЭН та дараах арга хэмжээг ямагт анхаарна уу.

• Хуурайшилттай үед цогтой үнс нурмаа битүү тагтай саванд хийх;
• Тамхи, чүдэнзний галыг ил задгай хаяхгүй байх
• Дууссан гал асаагуур /зажигалки/ хээр хөдөө ил задгай хаяхгүй байх
• Ой, хээрт явахдаа оч баригчгүй машин техникээр зорчихгүй байх
• Гэр сууц, хашаа хорооны гадуур түймрээс хамгаалах зурвас татах;
• Шаардлагатай багаж хэрэгслийг бэлдэх зэрэг нь өөрийгөө болон бусдын амь нас, эрүүл мэнд, эд хөрөнгийг ой, хээрийн түймэрт өртөхөөс хамгаалах, урьдчилан сэргийлэх, эрүүл аюулгүй орчинд амьдрах баталгаа болохыг Экологийн Цагдаагийн албанаас анхааруулж байна. 

“Түймрийн аюултай үе” гэдэг нь тухайн нутаг дэвсгэрт ой хээрийн түймэр гарах байгалийн нөхцөл бүрдсэн хуурайшилт бүхий цаг хугацаа буюу жил бүрийн 3 дугаар сарын 20-ны өдрөөс 6 дугаар сарын 10-ны өдөр, 9 дүгээр сарын 20-ны өдрөөс 11 дүгээр сарын 10-ны өдөр хүртэлх хугацааг хэлнэ.