Дели-Улаанбаатар чиглэлийн тусгай үүргийн нислэгт 07:44 цагт газардлаа. 

Уг нислэгээр 159 иргэн ирсэн хэмээн УОК-ын Шуурхай штабаас мэдээлэв.

Зорчигчдыг онгоцоос буулгаж эхэлж байна. Тэднийг яаралтай түргэн тусламжийн машинаар тусгаарлах байруудад хүргэн, 21 хоног тусгаарлах юм. 

Сэжигтэй тохиолдлуудыг онгоцны хойд хаалгаар буулгаж, ХӨСҮТ-ийн явуулын лаборатори байрлаж, сэжигтэй тохиолдлуудаас сорьц авч байна.

Энэ удаагийн нислэгээр ирсэн хүмүүсийн зонхилох хэсэг нь Энэтхэг улсад эмчилгээ хийлгэж байсан иргэд байгаа аж. 

Мэдээллийг МХЕГ-ын шууд дамжуулалтаар хүргэж байна.