Загас агнахыг хуулиар хориглосон үед худалдсан зөрчил гарчээ.

Тодруулбал, Дорнод аймгийн Матад сумын 6 дугаар багт түр оршин суух эрхтэй БНХАУ-ын иргэн А нь 2020 оны тавдугаар сарын 1-ний өдөр буюу хориотой үед зохих зөвшөөрөлгүйгээр 74 ширхэг Сазан нэршилтэй загас худалдан авсан зөрчлийг илрүүлэн шалгаж байна гэж Экологийн Цагдаагийн албанаас мэдээллээ.

Монгол Улсын Амьтны тухай хуулийн 9.2.8 зааснаар жил бүрийн дөрөвдүгээр сарын 1-нээс зургаадугаар сарын 15-ныг хүртэлх хугацаанд буюу үржлийн үед нь загас агнахыг хориглохоор тусгасан байдаг.