Өнгөрсөн гуравдугаар сарын 19-ны өдөр Засгийн газрын ээлжит бус хуралдаанаар шатахууны үнийг литр тутамд 50 төгрөгөөр бууруулсан. Мөн өнгөрөгч баасан гарагт /2020.04.10/ УИХ-н дарга Г.Занданшатар дөрөвдүгээр сарын 15-наас эхлэн 300 төгрөгөөр бууруулах тухай мэдээлсэн.

АИ92 шатахууны үнэ хямдарч 1500 төгрөг боллоо

Тэгвэл томоохон шатахуун импортлогч компаниудын жижиглэн худалдааны үнэ литр тутамд 200-320 төгрөгөөр буурчээ. Тухайлбал, Петровис компанийн Улаанбаатар хот дахь Тасганы овоо, Энхтайваны гүүр, Өргөө кинотеатрын замын эсрэг талын KFC зэрэг 3 салбар шатахууныхаа үнийг 130-320 төгрөгөөр бууруулсан байна.

Тухайн салбаруудад

• АИ92 шатахуун литр тутамд 270 төгрөгөөр хямдарч 1500 төгрөг,
• ДТ 320 төгрөгөөр хямдарч 2150 төгрөг,
• А95 шатахуун 130 төгрөгөөр хямдарч 2050 төгрөг,
• А98 шатахуун 130 төгрөгөөр хямдарч 2200 төгрөг болжээ. 

Бид энэ тухай харуулсан фото сурвалжлагыг танд хүргэж байна.