Тээврийн цагдаагийн алба COVID-19 цар тахлаас урьдчилан сэргийлэхэд олон нийтийн анхаарлыг хандуулах зорилгоор өдрийн цагаар автомашиныхаа ойрын гэрлийг асааж "Гэрлээ асаа" аянд нэгдэхийг уриалсан.

Энэхүү арга хэмжээ нь иргэдэд тайвшрах болоогүйг сануулж, бүх нийтээрээ амны хаалтаа зүүж, өөрийгөө болон хайртай дотны хүмүүсээ аюулт өвчнөөс хамгаалах зорилготой юм. Сануулахад, Монгол Улсад шинэ коронавирусээр өвчилсөн 16 хүн байгаа бөгөөд бүгд гадаадаас зөөвөрлөгдөн орж ирсэн байна.

Өчигдөр, өнөөдрийн байдлаар жолооч нар уг аянд идэвхтэй оролцож гэрэлээ асааж байна.