Сонгинохайрхан дүүргийн нутаг Баянхошууны замд өнөөдөр хэд хэдэн автомашин мөргөлдсөн ноцтой зам тээврийн осол гарч замын хөдөлгөөний ачаалал нэмэгджээ.

Тиймээс Тээврийн цагдаагийн албанаас тухайн чиглэлд түр хугацаанд зорчихгүй байж, анхаарал болгоомжтой замын хөдөлгөөнд оролцохыг санууллаа. 

Ослын газарт тээврийн цагдаагийн алба болон яаралтай түргэн тусламж, онцгой байдлын алба хаагчид ажиллаж байгаа бөгөөд ослын талаар дэлгэрэнгүй мэдээлэл тодорхойгүй байна.

Өнгөрсөн онд зам тээврийн ослын улмаас 561 хүн амь насаа алджээ. Иймд иргэдийг замын хөдөлгөөнд оролцохдоо анхаарал болгоомжтой байхыг цагдаагийн байгууллагаас анхаарууллаа.