Энэ лангуу хоосон байгааг та харж байна. Учир нь манай улсад COVID-19 халдвар авсан анхны тохиолдол бүртгэгдсэн юм. Тэр мэдээг сонссон Монголчууд дэлгүүрийг хэдхэн цагийн дотор цөлмөсөн хэрэг. Засгийн газраас, холбогдох яамнаас хүнс болон шатахууны хомсдол үүсэхгүй гэж хэвлэлийн хурал болгоноор зарласаар байтал МОНГОЛЧУУД итгээгүй. Өөрсдийн хамаатан садан, ойр тойрны хэлсэн явган ховын үгэнд итгэж бөөнөөрөө ингээд нэг газар шамбааралдаад, халдвар авах эрсдлийг улам нэмэгдүүлээд хэнэггүйтээд явж байгаа нь энэ. Яагаад л манайхан юм л бол зах гүйгээд байдаг юм бэ. Бөөн бөөнөөрөө... Энгийн дэлгүүрийн доор ч хямдхан үнээр зарагдаж байгаа барааг өөрсдөдөө, гэр бүлдээ эрсдэл учруулан байж захыг зорих болсон шалтгаан нь юу бэ? 

Ердөө л хямдхан байдаг гэх өрөөсгөл ойлголттой холбоотой. Гэхдээ та цаг зав, бензин тосоо зарцуулаад очиж байгаа газар чинь хямд  үнийг бус харин таны гэр бүлд эрсдэл дагуулна гэдгийг сайн санах хэрэгтэй. 

Угтаа энэ халдвараас гараа ариутгах, олноороо цулгахгүй байх, маск зүүх, гэр гэртээ байх гэх мэт энгийн л аргаар хамгаалчих юм. Харин зах гарч, хүнс цуглуулахдаа гол нь биш шүү.